Tornar

Quen puidese tornar

a ese lugar bendito da nenez.

Aos alegres cantos

dos axóuxeres,

o son da choiva

o cheiro do pan de millo,

a prata dos peixes e as estrelas

o voo oblícuo das gaivotas

as queridas voces

das longas historias na lareira.

Quixen tornar moitas veces

mais no tiven cuidado,

como o fixo Polgariño,

de deixar migas de pan polo camiño.

Mila Villanueva, Onde dá a volta o aire (Fundación Rosalía de Castro, 2018)

Imagen: Marc Chagall